كروز الباهاماس . من شركه رويال كاريبيان

..ســفــن الرويال كاريبيان .

هي شركة خطوط عالميه .. تطلع من اكثر من عاصمه من عواصم العالم مو بس امريكا .. لكن طبعا امريكا اهيا الوطن الام لها ..
هالخطوط تشمل اسطول من البواخر (كروز) .. منهم
Freedom of the seas
Marine of the seas
voyager of the seas
indepandenss of the seas

والكثير الكثير .. واليووم راح اتكلم عن رحلة الباخرة ..
Liberty of the Sea

اول شي للي يبي يحجز الكروز يدخل موقع الرويال كاريبان ياخذ فكره .. او بعد اختيار الخط اللي يعجبكم .. عندكم 3 طرق لحجز رحلة الكروز .. اول شي عن طريق الموقع الرسمي لشركة رويال كاريبيان ..الطريقه الثانيه الحجز عن طريق الاتصال باقرب مكتب لهم في دبي .. الطريقه الثالثه الحجز عن طريق مكاتب السياحة .
الرحلة تبتدي من بعد ماتوصلون ميامي وتدخلوون الميناء

ومن شركة السفريات اللي بتحجزون منها .. بيعطونكم ارقام الغرف او تاقات اتحطونهم على الشنط .. فيهم اسمائكم او رقم غرفتكم او لون معين .. عشان بس تنزلون بالميناء بياخذون الشنط ويوصلونها للغرف على طول ..

وبعد مايخذون الشنط ا تدخل او الاجراءات نفس المطار تكون بالضبط

بعد مايشوفون الجوازات واستمارة الدخول .. تدخل حق الـCheck In كلا بحسب الدور اللي اهوا ساكن فيه وبعدين يعطونك بطاقات sea pass اللي اهيا بمثابة كردت كارد و بطاقة الدخول على متن السفينة وتقدر نفتح فيها الغرف .. وتشتري فيها اللي تبيه من المحلات الموجوده بالسفيه او بالجزيرة التابعه لهم Lapadee Tahiti
هالبطاقه وايد مهمه او اذا ضاعت بيشترون بفلوسكم فحرصو عليها ..
وبعد هالاجراءات تنطلق اللسفينه فتقدر تصعد الطابق الـ11 للغدا .. والغدا مفتوح لي الساعه 3 ..
اول يوم تدخل فيه .. بعد ماترتب اغراضك بالغرفه ..
بيشتغل التلفزيون على قناة اسمها RTV ويبين لك حجزك بكل الجزر ..

وهاذا موقعهم http://www.royalcaribbean-arabia.com/default_ar.asp

وهاذا فيديو مختصر عن الكروز http://youtu.be/RipjOCwHgPY

 

ونتركم مع بعض الصور الشيقه من الكروز